Jab oss ki makhmali chadar me lipti khubsurat subah
din ki gunguni dhoop me kho jati hai to mujhe
us subah ki narmi se pyaar ho jata hai 

Jab khushboo me bheegi thandi hawa, chupte chupate
pedo ki sukhi hue pattiyo se khelti hai to mujhe
us hawa ki shaharato se pyaar ho jata hai

Jab suraj ki door door tak baanhe phelati kirne
aapne surkh aanchal ko samet ti hue alvida kehti hai to mujhe
un kirno ke surkh aanchal se pyaar ho jata hai

Jab chand ki dhooli dhooli ujli si roshni
kali raat ke sath banho me banhe dale baate karti hai to mujhe
dono ke khubusurat safar se pyaar ho jata hai