Pahli pahli barish ki buando ke jaisi
chamkti khankti si wo ladki
jab se meri zindgi me aayi
zindagi ko surmayi hone ka bahana mil gaya

Bhigi mitti ki soundhi khooshbo ke jaisi
sanso me ghulti se wo ladki
jab se meri zindgi me aayi
zindagi ko mehakne ka bahana mil gaya

Gulab par tehre huye pani ke jaisi
khoobsoorat chanchal si wo ladki
jab se meri zindgi me aayi
zindagi ko ranginiyo me dubne ka bahana mil gaya

bheege huye mousam ki tazgi ke jaisi
har din nayi nayi, sokh si wo ladki
jab se meri zindagi me aayi
zindagi ko har subah nind se uthne ka bahana mil gaya